I trail Fragas do Eume

Primeira edición deste trail neste entorno tan espectacular. O día da proba fixo sol e algo de calor pero aínda así estaba aínda moi mollado das chuvias dos días anteriores.

Saída dende Eumenatura, no concello de Monfero, a uns 400m de altura. Algo de pista, sendeiros con barro e comezamos a baixar por una pista para logo enlazar coa primeira baixada espectacular do trail. Cruzamos o rego da Vaca, atravesamos polo medio dunha construcción que seguramente fose un muíño, unha pequena baixada con corda. Nesta zona hai moita humidade e o terreo é bastante esvaradizo.

Seguimos serpenteando por un sendeiro por momentos interminable rodeado de vexetación, troncos no medio, pedras resbaladizas...pero moi corrible ata chegar ao río Eume.

Primeiro avitu antes da central do Eume (km6 aprox).

Comezamos a subir, serpenteando outra vez pola ladeira do monte. Atravesamos o rego de Teixido (a agua cubre ata a metade das pernas), pasamos pola aldea de Teixido. A partir de aquí todo é lixeiramente hacia arriba, pista en parelelo o río Eume pero a máis de 400m de altura. Dende aquí hai unhas vistas impresionantes do encoro do Eume e da presa.

Seguimos subindo rumbo Fontardión; tramo de cortalumes, tramo de pista, tramo de cortalumes...chegamos a Fontardión (xa nos límites do concello de As Pontes), punto máis elevado do trail e avitu 2. Aprox km12.5 e a unha altura de 660m.

Dende aquí ata Caaveiro todo é hacia abaixo e practicamente por pequenas pistas ou sendeiros monte a través. Case no hai vexetación que de algo de sombra.
Km20, comeza a segunda baixada espectacular do trail ata Caaveiro; rochas cubertas polo musgo que lle poñen algunha dificultade técnica.

Pasamos o mosteiro de Caaveiro e seguimos baixando ata o río Eume. Este tramo non ten moito desnivel pero continuamente andas saltando rochas, pequenos cortes no terreos, troncos no medio do sendeiro. Tramos bastante técnico, incluso con unha baixada con corda por mor da terra que esvara bastante.
Km23.5 crúzase o Eume pola ponte colgante e avitu 3 no refuxio de pescadores de antes de encarar a última subida.

Nesta subida comeza por un sendeiro estreito, rodeado de vexetación e moita humidade. Logo algún tramo de camiño máis ancho e seguimos gañando altura ata os 300 e pico m. Pequena baixada e continuamos subindo en paralelo ó regato de Estrille, cruzamos dito regato e último km ata meta por unha pista con algo de pendente que despois de tantos kms e coa calor que había fíxose dura.

Trail moi currado en canto ó seu percorrido, sen apenas asfalto nin pistas forestais, e impresionante en canto a beleza paixasística das Fragas do Eume e as vistas dende Teixido e Fontardión.